Na pane ki khushi hai kuch

Na pane ki khushi hai kuch, na khone ka hi kuch gam hai,
ye daulat aur shohrat sirf kuch jakhmo ka marham hai,
ajab si kasmkash hai roj jeene me, roj marne me,
mukkamal zindagi to hai magar poori se kuch kam hai.

Girebaan chaak karna kya hai seena aur muskil hai,
Harek pal mushkurakar ask peena aur mushkil hai,
Humari badnishibi ne humein bas itna sikhaya hai,
kisi ke ishq me marne se jeena aur mushkil hai.

Pukare aankh me chadhkar to khu ko khoon samajta hai
andhera kisko kehte hai ye bas jugnoo samajhta hai…!
humein to chand taaro me bhi tera roop dikhta hai
mohabbat me numaish ko adayein tu samajhta hai…!!